به‌ پێی راپۆڕتی تایبه‌تی به‌شی هونه‌ری ئاژانسی هه‌واڵی په‌یامنێر له‌ شاری تاران، له‌ ماوه‌ی چه‌ند رۆژی ڕابردوودا ئاژانسی هه‌واڵنێری "مێهر" Mehr News و هه‌روه‌ها كۆمه‌ڵێك له‌ رۆژنامه‌ گرینگه‌كانی ئێران، به‌ بایخه‌وه‌ هه‌واڵی ئه‌لبوومی نوێ عه‌دنان كه‌ریم له‌گه‌ڵ گروپی موزیكی كامكارانیان بڵاوكرده‌وه‌، له‌وانه‌: رۆژنامه‌ی سینه‌مایی "بانی فیلم"، رۆژنامه‌ی "ئیتلاعات"، رۆژنامه‌ی "دونیای اقتساد"، رۆژنامه‌ی "ابتكار"، رۆژنامه‌ی "اسرار"، رۆژنامه‌ی "به‌هار"، رۆژنامه‌ی "جیهان سه‌نعه‌ت" و رۆژنامه‌ی "ارمان روابت عمومی".

هه‌روه‌ها ماڵپه‌ڕه‌كانی "موزیكی ئێمه‌" Musicema، گۆڤاری میوزیكی ئێران"، "هونه‌ر و میوزیك" ArtMusic، "سر خت" SarKhat ، "میوزیك هونه‌ری ئێرانی" IndexIran، "كۆكی سۆل" و كۆمه‌ڵێك ماڵپه‌ڕێكی دیكه‌ی ئێران هه‌ر كامه‌یان به‌ شێوه‌یه‌ك ئاماژه‌یان به‌م رووداوه‌ هونه‌رییه‌ كردووه‌.

ئاژانسی "مێهر" له‌م ماوه‌یه‌دا له‌گه‌ڵ موزیكزانی كورد هوشه‌نگ كامكار و گۆرانیبێژی كورد عه‌دنان كه‌ریم وتووێژی تایبه‌تی ئه‌نجامداوه‌ و ئه‌م مانشێتانه‌ی بۆ ئه‌م وتووێژانه‌ دیاری كردووه‌:

ـ "تۆماركردنی ئه‌لبوومی گرووپی موزیكی كامكاران به‌ ده‌نگی عه‌دنان كه‌ریم له‌ ئێران"
ـ هوشه‌نگ كامكار: "كامكاران له‌گه‌ڵ هه‌ر گۆرانیبێژێك كار ناكه‌ن"
ـ عه‌دنان كه‌ریم: "یه‌كه‌مین به‌رهه‌مم له‌گه‌ڵ كامكاران پێشوازییه‌كی بێوێنه‌ی لێكرا"
ـ  "به‌رهه‌می هونه‌ری كامكاران نه‌وه‌ستاوه‌"

هه‌روه‌ها رۆژنامه‌ جۆراوجۆره‌كانی ئێران ئه‌م مانشێتانه‌یان بۆ هه‌واڵه‌كه‌یان داناوه‌:
ـ رۆژنامه‌ی "ارمان روابت عمومی": "به‌رهه‌می هونه‌ری كامكاران نه‌وه‌ستاوه‌"
ـ رۆژنامه‌ی "بانی فیلم": "په‌یوه‌ندی رۆحی مرۆڤ له‌گه‌ڵ موزیك گرینگه‌"
ـ رۆژنامه‌ی "اسرار": "كامكاران له‌گه‌ڵ هه‌ر گۆرانیبێژێك كار ناكه‌ن"
ـ رۆژنامه‌ی "ئیبتكار": "به‌رهه‌می هونه‌ری كامكاران نه‌وه‌ستاوه‌"
ـ رۆژنامه‌ی "دونیای اقتساد": "كامكاران له‌گه‌ڵ هه‌ر گۆرانیبێژێك كار ناكه‌ن"
ـ رۆژنامه‌ی "ئیتلاعات": "به‌رهه‌می هونه‌ری كامكاران نه‌وه‌ستاوه‌"