ئاگرێكی گه‌وره‌ گوندی مه‌می خه‌لانی سه‌ر به‌ قه‌زای چۆمانی گرتۆته‌وه‌ و دواتر ته‌شه‌نه‌ی كردوه‌ و 7 گوندی ده‌وروبه‌ری سوتاندوه‌.

به‌هۆی ئه‌و رووداوه‌ وه‌ 7 كه‌س گه‌یه‌نراونه‌ته‌ نه‌خۆشخانه‌ی چۆمان بۆ ئه‌وه‌ی چاره‌سه‌ر بكرێن، جگه‌ له‌وه‌ش 300 دۆنم زه‌وی سوتاوه‌.

ئێستا تیمه‌كانی ئاگركوژێنه‌وه‌ی قه‌سرێ و چۆمان و حاجی ئۆمه‌ران سه‌رگه‌رمی كوژاندنه‌وه‌ی ئاگره‌كه‌ن و تا ئاماده‌كردنی ئه‌م هه‌واڵه‌ ئاگره‌كه‌ له‌ په‌ره‌سه‌ندن و به‌رده‌وامیدایه‌.