( عهبدولهتیف گلی) نوێنهری مهسعود بارزانی سهرۆكی ههرێم له پارێزگاری كهركوك و نوێنهری رێكخراوی نێودهڵهوتی (GfbV) (كۆمهڵهی پاراستنی گهلانی ههرِهشهلێكراو / لقی كوردستان) له كهركوك سهردانی بارهگای ئهم رێكخراوهیان كردو له لایهن ( دكتۆر مسعود سهربهشاخی) سهرۆكی لقی رێكخراو پێشوازیان لێكرا.
لهو دیدارهدا له كورته باسێكدا كار و چالاكییهكانی رێكخراوهكهی خسته روو كه ئامانجی لابردن و كۆتایی هێنانه به زوڵم و زۆرداری لهسهر ئایین و نهتهوهكان و پێكهوه ژیانی ئاشتی و تهبایی له نێوانیاندا.
دواتر باس له چۆنیهتی و ههماههنگی نێوان رێكخراوهكه و پێكهاتهكانی پارێزگای كهركوك كرا , سهروكی لقی رێكخراوهكه داوای له نیوێنهری سهرۆك بارزانی له كهركوك كرد كه بتوانن پێكهوه ژیانی برایانه و ئاشتیانهی سهرجهم پێكهاتهكانی كوردستان و كهركوك بهتایبهتی له چوارچێوهی كۆنفرانسێكدا بخهنه روو بۆ كۆمهڵگهی نێودهوڵهتی و یهكێتی ئهوروپا.
لهبهرامبهریش (عهبدولهتیف گلی) نوێنهری سهرۆك بارزانی له كهركوك ئامادهیی خۆی نیشان دا بۆ ههر هاوكاریهك كه خزمهت به پێكهاتهكانی كوردستان و كهركوك بكات له رێگای رێخراوی (GfbV) ئهلمانی نێودهولهتی .